Sipas policisë, sulmuesi dyshohet se ka vepruar i vetëm dhe besohet se ka qëndruar në hotelin Washington Hilton, ku po zhvillohej darka. Dhoma e tij është sekuestruar dhe po kontrollohet.

Një oficer i Shërbimit Sekret u qëllua gjatë ngjarjes, por është liruar nga spitali. Jeleku mbrojtës i tij ka ndihmuar në shmangien e një tragjedie më të madhe.

Autoritetet thanë se i dyshuari nuk u qëllua, por u dërgua në spital për kontroll mjekësor.

Sipas të dhënave publike, ai ka punuar si mësues dhe zhvillues i video lojërave në Kaliforninë Jugore dhe ka studiuar inxhinieri në Institutin e Teknologjisë në Kaliforni (Caltech).

Presidenti Trump ka deklaruar se ekipi i tij i sigurisë nuk kishte informacione për ndonjë kërcënim para darkës.

CNN raportoi se një nga gazetarët e tyre ndodhej jashtë sallës kur pa sulmuesin duke qëlluar në tokë, vetëm disa hapa larg tij.

Sulmi është dënuar nga ligjvënës në SHBA dhe liderë botërorë, të cilët kanë shprehur lehtësim që Trump nuk u lëndua dhe kanë vlerësuar reagimin e shpejtë të forcave të sigurisë.

/CNN/Reporteri.net/