Policia e New York po heton një sërë incidentesh të çuditshme pasi u shfaqën pamje të grupeve të njerëzve që hynin dhe dilnin nga pusetat e qytetit natën. Hetimi u nis për shkak të postimeve të shumta në rrjetet sociale që tregonin njerëz që dilnin nga sistemet e kanalizimeve në vende të ndryshme të qytetit, raporton NBC.

Departamenti i Policisë së New Yorkut i tha NBC-së se nuk kishte arsye për shqetësim. “Për t’u siguruar që nuk kishte kërcënim për publikun, anëtarët tanë të trajnuar mirë të Njësisë së Shërbimeve të Emergjencave inspektuan sistemin e kanalizimeve. Ata kontrolluan për çdo send të dëmshëm të lënë nga individë, por nuk u gjet asgjë”, thuhej në deklaratë. “Sistemi u inspektua gjithashtu nga Departamenti i Mbrojtjes së Mjedisit i qytetit, i cili e operon atë, dhe u përcaktua se nuk kishte dëmtime në pajisje”, shtoi ajo. Nuk pati arrestime ose lëndime.

Një teori që hetuesit po shqyrtojnë, tha një zyrtar i lartë i policisë është se burrat “po kontrollojnë sistemin në kërkim të sendeve me vlerë që përfundojnë në kanalizime”.

Policia u informua për herë të parë për aktivitetet e pazakonta të enjten e kaluar rreth orës 23:00. Një dëshmitar raportoi se tetë persona po hiqnin kapakun e një pusete në lagjen Gravesend të Brooklyn. Sipas raportit të policisë, i njëjti grup u pa duke dalë nga pusi rreth tre orë më vonë. Në një video të shpërndarë në mediat sociale, tetë persona mund të shihen duke dalë nga kanalizimet dhe duke ndërruar rrobat pranë makinave të parkuara.

#Repost @evoclique__ with @use.repost
・・・
Video circulating online shows three unidentified men lifting a manhole cover and entering the New York City sewer system during nighttime hours in Astoria.

Additional reports indicate similar incidents involving groups entering sewer… pic.twitter.com/YDFtSFfK8A

— Evoclique (@Evoclique_) June 2, 2026

Rreth dy orë pas raportit të parë, policia mori një telefonatë tjetër. Këtë herë bëhej fjalë për disa persona që po hynin në një bosht në Williamsburg, gjithashtu në Brooklyn. Autoritetet thanë se grupi u rishfaq më shumë se dy orë e gjysmë më vonë, hipën në një makinë dhe u larguan me makinë. Në videon e publikuar nga portali Williamsburg 365, shihen shtatë persona duke dalë nga boshti, dhe i fundit mbyll kapakun pas tyre./Reporteri.net/