Jamal Musiala ka marrë konfirmim mjekësor për të vazhduar të luajë futboll, pavarësisht dy episodeve shqetësuese gjatë ndeshjeve të Bayern Munichut në vetëm katër ditë.

23-vjeçari zbuloi se është diagnostikuar me episode të shkurtra dhe të përkohshme të mungesës së vetëdijes (absence seizures), të shkaktuara nga një çrregullim neurologjik, për të cilin po merr trajtim.

Presidenti i nderit të Bayern Munichut, Uli Hoeness, konfirmoi se neurologët që po e trajtojnë Musialën i kanë dhënë klubit konfirmim me shkrim se nuk ka pengesa për pjesëmarrjen e tij në sportin elitar.

“Pa këtë konfirmim, do të kishim vepruar në mënyrë të papërgjegjshme”, tha Hoeness, duke pranuar se dy kolapset e Musialës e kanë tronditur klubin.

Vetë Musiala u ka bërë thirrje tifozëve të mos shqetësohen, duke thënë se “nuk ka më rrezik shëndetësor” dhe se po merr kujdes të shkëlqyer mjekësor.

Gjermani dëshiron të vazhdojë të luajë dhe, me lejen e neurologëve, synon të rikthehet në fushë sa më shpejt. Sipas raportimeve, rikthimi i tij mund të ndodhë që këtë fundjavë.