Federata e Boksit e Kosovës do të organizojë të hënën konferencë për media me rastin e rikthimit të kampiones së Kosovës, Donjeta Sadiku, pas triumfit të saj në Lojërat Mesdhetare Taranto 2026, në Itali.

“Donjeta Sadiku shkëlqeu në këtë ngjarje të rëndësishme sportive, duke fituar medaljen e artë dhe duke u shpallur Kampione e Lojërave Mesdhetare Taranto 2026”.

“Me këtë rast, Federata e Boksit e Kosovës fton të gjitha mediat e shkruara dhe elektronike në konferencën për media”.

Konferenca do të mbahet të hënën më 31 gusht në ora 12:00.

“Në këtë konferencë do të flitet për suksesin e Donjeta Sadikut në Lojërat Mesdhetare Taranto 2026, rrugëtimin drejt medaljes së artë, si dhe për rëndësinë e këtij triumfi për boksin dhe sportin e Kosovës”.