Shkëlzen Sylaj është i riu nga Suhareka që sfidon forcën e veturave, duke mos i lejuar ato që të lëvizin fare nga vendi.

Sylaj forcën që ka marrë, e ka falë fitnesit dhe ushtrimeve të tjera cilat janë më të veçanta, pasi hyn në kategorinë e ushtrimeve të quajtura ‘strong man’ apo ‘njerëz të fortë’.

Ai ka forcë që të ndalojë veturat në vend që të mos ecin fare, duke i kapur në pjesën e përparme të tyre dhe duke i lënë pezull në ajër.

Në profilin e tij në Facebook, Sylaj ka postuar video të ndryshme, mirëpo ndër dy më interesantet, ai shihet se si e ngrit pa pikë problemi një veturë xhip, modeli ‘NIVA’.

Kjo veturë i ka rreth 1300 kilogramë, peshë e madhe për t’u ngritur vetëm me duar nga një njeri.

Më poshtë keni videon, ku shihet Sylaj duke e ngritur në ajër veturën pa pikë problemi.