Bashkëshorti jo vetëm që e tradhtonte, por e goditi 46 herë me thika.

10 prej thikave që mori në bark i dëmtuan mushkëritë, mëlçinë dhe zorrët.

14 goditje i mori në gjinj e në kraharor. Të dyja mushkëritë iu çanë dhe bënë që vajza të rrinte 17 ditë në spital, por prapë, edhe pse gjatë sulmit ishte e sigurt që do të vdiste, sot ajo e ka falur bashkëshortin dhe shpreson të krijojë familje me të.

Ajo quhet Shannon Barnard, është 21 vjeçe nga Kenti i Anglisë, dhe është martuar në moshë të vogël me Michael Barnard. Bashkëshorti e sulmoi pak ditë pasi ajo kishte zbuluar që ai e tradhtonte me një vajzë tjetër.

Ai është dënuar me 20 vite burg, por vajza thotë se vazhdon ta dashurojë dhe i bën thirrje burgut që ta lejojë ta takojë dy herë në javë.