Xhaxhai i Lamine Yamalit ka shprehur publikisht zhgënjimin e tij për triumfin e Harry Kane në Topin e Artë, përmes një deklarate të ashpër.
Yamal e përfundoi garën në vendin e tretë, pas fituesit Kane dhe Kylian Mbappés, i cili u rendit i dyti.
Megjithatë, spanjolli e fitoi për të tretin vit radhazi trofeun Kopa, që i jepet futbollistit më të mirë të ri.
Yamal u tregua modest gjatë pranimit të çmimit, madje deklaroi se bashkëlojtari i tij te Spanja dhe Barcelona, Pau Cubarsí, e meritonte atë më shumë se ai.
“Do të kisha dashur që bashkëlojtari im, Pau Cubarsí, të ishte këtu, sepse mendoj se ky çmim duhej t’i takonte atij”, shpjegoi ai.
“Ai ka kohë që po luan në një nivel të jashtëzakonshëm. Ky është viti i tretë që jam këtu për këtë çmim. Dua ta falënderoj klubin tim dhe kombëtaren time. Sa i përket këtij çmimi konkretisht, ai duhej të ishte për Cubarsín”, shtoi ai.
Pavarësisht se Yamal dukej se e kishte pranuar përfundimin në vendin e tretë në garën kryesore, xhaxhai i tij, Abdul Abdellaoui, nuk ishte aspak i kënaqur me rezultatin dhe dha një intervistë të ashpër për “El Larguero”.
“E vërteta është se kjo është vërtet e trishtueshme. Ndihem shumë keq”, tha ai.
“Nipi im ishte i jashtëzakonshëm, ai ishte lojtari më i mirë në botë dhe këtë e dinë të gjithë. Nëse e pëlqen futbollin, shkon për ta parë Lamine Yamalin, jo Harry Kanen. Harry Kane është një golashënues i madh, por Lamine është lojtari më i mirë, ai që shkëlqen në fushë. Nëse nuk pati fat këtë herë, e ka vitin e ardhshëm”, u shpreh ai.
Abdellaoui pretendoi gjithashtu se mosha e Yamalit mund të ketë ndikuar negativisht në rezultatin përfundimtar.
“Meqë Lamine është i ri, gjithmonë thonë se ka kohë, se është 19 vjeç, dhe për këtë arsye nuk ia japin çmimin”, shtoi ai.
“Harryt, kur i kanë mbetur vetëm edhe tri ditë futboll, i thonë: ‘Hajde, do t’ia japim çmimin’. Ai e ka fituar Kupën e Botës, La Ligën dhe Superkupën. Luajti vërtet mirë, pati një sezon të jashtëzakonshëm dhe shënon gola që askush tjetër nuk mund t’i shënojë. Pasime, asistime, çfarëdo që të duash. Lamine do ta fitojë më shumë se një Top të Artë, por ky trishtim do t’i kalojë brenda tri ditësh. Pas disa ditësh, do të jetë mirë”, tha ai tutje.
Edhe presidenti i Barcelonës, Joan Laporta, e bëri të qartë se sipas tij, Yamal e meritonte ta fitonte Topin e Artë, duke u bërë thirrje bashkëlojtarëve të tij që ta mbështesin.
“Sipas mendimit tim, ai bëri mjaftueshëm për ta fituar Topin e Artë, por votuesit vendosën ndryshe dhe kjo duhet pranuar me frymë sportive”, tha Laporta.
“Shpresoj që kjo të shërbejë si motivim për të në aspektin personal dhe jam i sigurt se do të jetë kështu. Të gjithë bashkëlojtarët e tij do ta ndihmojnë që ta tejkalojë shpejt këtë zhgënjim. Duhet t’i japim dashuri dhe mbështetje, sepse ai e meriton”, u shpreh ai.
Tani, Yamal do ta kthejë vëmendjen te ndeshja e Barcelonës kundër Alavésit në La Liga, më 31 tetor.
Topi i Artë për meshkuj
Harry Kane
Kylian Mbappé
Lamine Yamal
Rodri
Lionel Messi
Khvicha Kvaratskhelia
Ousmane Dembélé
Erling Haaland
Michael Olise
Fabián Ruiz
Topi i Artë për femra
Alexia Putellas
Ewa Pajor
Khadija Shaw
Melchie Dumornay
Patri Guijarro
Caroline Graham Hansen
Pernille Harder
Clàudia Pina
Alessia Russo
Temwa Chawinga
Trofeu Kopa për meshkuj
Lamine Yamal
Pau Cubarsí
Warren Zaïre-Emery
Lennart Karl
Yan Diomande
Ayyoub Bouaddi
Kerim Alajbegović
Éli Junior Kroupi
Ibrahim Maza
Johan Manzambi
Trofeu Yashin për meshkuj
Unai Simón
David Raya
Thibaut Courtois
Matvey Safonov
Emiliano Martínez
Vozinha
Joan García
Yassine Bounou
Édouard Mendy
Gregor Kobel.
