Familjarë të gruas së vrarë në Vitomiricë të Pejës, Arlinda Zekajt, që po marrin pjesë në protestën kundër vrasjes së grave, u bënë thirrje protestuesve të mos eskalojnë në dhunë.
“Mos prishni, këto janë tonat. Nuk duam dhunë na. Nuk jemi dalë me thy na”, dëgjohen familjarët duke thënë në protestë.
Në protestën në Prishtinë po kërkohet drejtësi dhe përgjegjësi institucionale për vrasjen e Arlinda Zekajt.
Reklamë
Arlinda Zekaj u vra më 25 tetor në Vitomiricë të Pejës.
Për rastin, i dyshuar është kunati i saj, Albert Sylaj, i cili u arrestua mbrëmë.
Tri ditë para se të vritej, ajo i ishte drejtuar me letër Prokurorisë Themelore në Pejë, duke kërkuar mbrojtje dhe duke shprehur shqetësimin për sigurinë e saj.
