Modelja 53-vjeçare Heidi Klum ka folur rreth frymëzimit që qëndron pas kostumit të saj të spikatur për Halloween e vitit 2026.
Kostumi u realizua nga bashkëpunëtori i kahershëm i Heidit, Mike Marino, dhe prezantuesja e “Project Runway” mbetet gjithmonë e mahnitur nga vëmendja e tij ndaj detajeve.
“Ne rikrijuam madje edhe unazën time të fejesës dhe atë të martesës, si dhe tatuazhin e vogël në gishtin tim. Nuk është thjesht një dorë gjigante: është dora ime gjigante! Detajet i bëjnë këto kostume kaq të veçanta”, tha Klum për revistën Vogue.
Ajo mbërriti në festën e saj vjetore të shtunën në mbrëmje, e veshur si një dorë e shkëputur, e kompletuar me manikyr të kuq dhe një sërë unazash.
“Në fakt, është dora ime, madje edhe damarët, gjithçka. E dini që sot mund të bëni gjithçka me printimin 3D? Të skanojnë trupin e gjithçka tjetër? Filluam në orën 3:00 sot, kështu që këtë herë nuk ishte edhe aq keq”, tha ajo për emisionin “Good Morning America”.
Modelja dëshironte që njerëzit ta shihnin kostumin e saj si “të çuditshëm dhe gazmor”.
“Më pëlqen gjithmonë të bëj diçka të papritur. Çdo vit dua t’i surprizoj njerëzit dhe të bëj diçka që nuk më kanë parë kurrë ta bëj e as ndonjë person tjetër. Halloween është periudha ime e preferuar e vitit, sepse më jep mundësinë të shndërrohem plotësisht dhe të bëhem diçka krejtësisht ndryshe”, tha ajo.
Heidi është e martuar me kitaristin e grupit “Tokio Hotel”, Tom Kaulitz. Ajo ka katër fëmijë me ish-bashkëshortin Seal.
