Prishtina e ka nisur me fitore xhiron e 14-të në Superligën e Kosovës, duke e mposhtur Drenicën me rezultat bindës 3-0.

Protagonisti kryesor i ndeshjes ishte Assane Diatta, i cili realizoi të tre golat e kryeqytetasve. Sulmuesi e kompletoi hat-trickun në minutën e 72-të, duke shënuar golin e tij të 11-të sezonal.

Drenica pati disa mundësi të mira në pjesën e dytë për ta barazuar rezultatin, por pas përjashtimit të Erion Idrizit, Prishtina e pati më të lehtë ta menaxhonte ndeshjen deri në fund.

Reklamë

Me këtë fitore, Prishtina arrin në kuotën e 35 pikëve dhe vazhdon të kryesojë tabelën, ndërsa Drenica mbetet në vendin e tetë me 12 pikë.

Në xhiron e ardhshme, Prishtina luan në udhëtim ndaj Feronikelit, kurse Drenica e pret Vushtrrinë.