Kina po kalon momente tmerri pasi koronavirus po shkakton vdekje të mëdha, derisa situata atje është alarmante

Të shtunën është konfirmuar se numri i viktimave ka arritur në mbi 700, ndërkaq vetëm gjatë ditës së djeshme kanë vdekur 86 persona nga koronavirus, transmeton Reporteri.net

Por, gjëja më tmerruese që po ndodhë atje është me personat të cilët po dyshohen se janë të infektuar me këtë virus.

Kjo video shqetësuese tregon njerëzit që dyshohen se kanë koronavirus duke u tërhequr zvarrë e me forcë nga shtëpitë e tyre për t’i dërguar në kampe në qytetin Wuhan.

Në video shihen personat me kostume të bardha që kapin dy të tjerë në krahë dhe një tjetër që merret nga dyshemeja.

Pamjet, që mendohet se janë filmuar në Wuhan, vijnë pasi zëvendëskryeministri i Kinës Sun Chunlan bëri thirrje për një ‘luftë të popullit’ kundër epidemisë së përhapur.

Ndryshe, në tërë botën nga ky virus janë infektuar rreth 35 mijë persona. /Reporteri.net/