Deputeti i Lëvizjes Vetëvendosje, Rexhep Selimi, ka folur rreth vendimit të partisë së tij për të hapur një qendër në Shqipëri.

Selimi ka thënë se VV-ja ka aplikuar për t’u zgjeruar në Shqipëri, si një organizatë joqeveritare, e jo si subjekt politik.

Ai ka mohuar se partia e tij do të marrë pjesë në zgjedhje në Shqipëri, në të ardhmen e afërt.

“Po të donim të merrnim pjesë në zgjedhje, do të bënim kërkesë jo te gjykata, po në KQZ [Komisionin Qendror të Zgjedhjeve], do të aplikonim në KQZ”, ka deklaruar selimi për T7.

I pyetur se pse VV-ja po hap qendër në Shqipëri, Selimi është përgjigjur: “Për shkak të zhvillimeve të përbashkëta, për shkak të një komunikimi më të mirë Kosovë-Shqipëri”.

“Kjo nuk nënkupton që ne jemi atje forcë politike”, ka theksuar Selimi.

Ai ka thënë se Vetëvendosje në të ardhmen pret që Kosova e Shqipëria të bashkohen në një shtet të vetëm.

Një anti-amerikan, një enverist dhe të tjerë të dëbuar nga Kosova – këta janë themeluesit e Vetëvendosjes në Tiranë