Ish asambleistja e LDK-së në Kamenicë, Njomza Dërmaku, i është bashkuar PSD-së, këtë e ka bërë të ditur deputeti i kësaj partie Dardan Mulliqaj përmes një postimi në Facebook.

Sipas Mulliqajt, Njomza Dërmaku do ta vazhdoj punën e saj si asambleiste socialdemokrate.

“Ish asambleistja e LDK-së në Kamenicë, znj. Njomza Dërmaku, nga sot na u bashkua në PSD dhe do ta vazhdoj punën e saj në kuadër të grupit të asambleistëve socialdemokrat”, thuhet në postimin e deputetit të PSD-së.

Ndër të tjera thuhet së  në vazhdën e takimeve punuese ai ishte në Kamenicë dhe takimet e tilla do të mbahen në ter Kosovën.

“Në vazhdën e takimeve punuese për shtrirjen e PSD-së, sonte ishim në Kamenicë ku diskutuam për shtrirjen tonë në fshatra e lagje. Takime të tilla po mbajmë çdo ditë gjithandej Kosovës”, ka shkruar Dardan Mulliqaj në postimin e tij.