Liverpool dhe Chelsea luajnë kryendeshjen e kësaj fundjave në kuadër të Premier League.

Të dy ekipet zbresin në fushë me objektiva të ndryshëm, me vendasit që kërkojnë të vazhdojnë luftën për titull e mysafirët duan të luajnë në Ligën e Kampionëve sezonin e ardhshëm.

Kjo ndeshje ka marrë edhe më shumë vëmendje falë edhe asaj çfarë ndodhi pesë vite më parë, kur Liverpool në ‘Anfield’ nuk arriti të mposhte Chelsean, duke e humbur ndeshjen 0-2 dhe duke i shuar të gjitha shpresat që pas 24 viteve ta sillenin në shtëpi titullin e Premier Ligës.

Edhe më e veçantë mbetet rrëshqitja e kapitenit asokohe Steven Gerrard, që ishte ‘fajtor’ në vetet për atë humbjen befasuese nga Chelsea i Jose Mourinhos. Legjenda angleze u largua nga ‘Të Kuqtë’ si ikon, por pa e fituar asnjëherë titullin e ligës.

Did someone say Liverpool v Chelsea? ? pic.twitter.com/0uCFbbZEVF

— Chelsea FC (@ChelseaFC) April 13, 2019

Për këto arsye kjo ndeshje e sotme është shumë e veçantë, duke i shtuar faktin se Manchester City luan me Crystal Palace, ashtu siç ndodhi edhe pesë vite më parë, kur Chelsea mposhti Liverpoolin.

Për më tepër, skuadra e Jurgen Klopp nuk e shijon fitoren në shtëpi ndaj ‘Bluve’ që nga maji i vitit 2012, teksa pritet të jetë një ndeshje mjaft interesante, e cila fillon nga ora 15:30.