Bayerni ka vazhduar me hapa të sigurt drejt titullit.

‘Bavarezët’ kanë mposhtur bindshëm 1-4 Fortuna Dusseldorfin, duke rimarrë vendin e parë në tabelë.

Ekipi i Kovac shkoi qetësisht në dhomat e zhveshjes në pjesën e parë pasi arriti të shënonte dy herë me Kingsley Coman (15′ 41′).

Sergi Gnabry (55′) trefishoi rezultatin, ndërsa vendasit krejt në fund shënuan golin e nderit me anë të Lukebakio (89′) që shënoi nga penalltia.

Për rezultati përfundimtar të ndeshjes u përkujdes Goretzka në minutat shtesë të ndeshjes.

Kësisoji, Bayerni rimerr kreun me 67 pikë, një më shumë se Dortmund që ka 66. Dusseldorf mbetet në vendin e 10-të me 37 pikë.

Në javën e ardhshme, Bayerni pret Werderin e Rashicës në ‘Allianz Arena’.