Nëse koronavirusi është shkaktar i problemeve gastrointestinale, më së shpeshti shfaqet edhe temperatura e ngritur, probleme respiratore, rraskapitje, humbje të shqisave të aromave.
Në rast të virusit të zakonshëm gastroenteritis, këto simptoma shoqëruese nuk ekzistojnë.
Pra, për ta dalluar janë me rëndësi pasqyra klinike, të dhënat epidemiologjike si edhe metodat shtesë diagnostike në rastin e dyshimit për koronavirus.
Tani për tani për koronavirus testohen vetëm ata pacientë të cilët kanë temperaturë të ngritur trupore, kollë dhe dhembje në fyt.
Sa i përket problemeve me stomakun, është e nevojshme të priten rezultatet e hulumtimeve të shumta në mënyrë që të mund të thuhet sa më sigurt në cilën përqindje është e përfaqësuar simptomatologjia gastrointestinale te të infektuarit me koronavirus.
Disa hulumtime tregojnë që disa pacientë kanë pasur diarre para shfaqjes së problemeve respiratore.
Pacientët me sëmundje kronike inflamatore të zorrëve mund të kenë diarre e cila është e lidhur edhe me përkeqësimin e sëmundjes, andaj specialisti patjetër duhet të jetë i kujdesshëm me rastin e caktimit të diagnozës.
Në rast që pasqyra klinike dhe konstatimet epidemiologjike tregojnë koronavirusin, është e nevojshme që të bëhet pasqyra e gjakut, sedimentacioni, CRP-ja, fibrinogeni, fertini, D-dimeri, testi PCR, rëntgeni i zemrës dhe mushkërive.
Nëse pacienti ka vetëm diarre akute, është e nevojshme analiza e jashtëqitjes.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.