Kryetari i Grupit Parlamentar të Lëvizjes Vetëvendosje, Glauk Konjufca, beson se ideja e presidentit Hashim Thaçi për “korrigjim kufijsh” mes Kosovës dhe Serbisë, ende nuk ka vdekur.

Ai thotë se vendi ndodhet në një situatë kur shumë faktorë ndërkombëtarë, edhe që e kanë njohur pavarësinë e Kosovës, presidenti ka arritur t’i bindë që Kosova me Serbinë duhet t’i ndërrojnë kufijtë.

“Është thënë se projekti i presidentit ka shkuar duke vdekur, por mendoj se nuk ka përfunduar. Unë konsideroj se projekti i presidentit është gjallë ende”, ka deklaruar Konjufca në T7.

Vetëvendosësi nuk ka lënë pa thumbuar edhe Grupin Negociator në krye me ish-shokin e idealit, Shpend Ahmeti e kreun e NISMA-s, Fatmir Limaj.

Konjufca ka pohuar se Thaçi nuk e ka gajle platformën, duke minimizuar rëndësinë e Platformës shtetërore për dialogun me Serbinë. /Reporteri.net/.