Twitter tha se hakerët kanë parë mesazhe direkte private nga 36 llogari, që kanë qenë të përfshira në sulmin kibernetik të javës së kaluar.
Twitter tha se njëra llogari i përkiste një zyrtari të zgjedhur të Holandës, por nuk zbuloi më shumë.
Javën e kaluar, hakerët kanë sulmuar llogaritë e shumë figurave të shquara politike dhe kulturore, duke iu bërë thirrje përdoruesve që të dërgojnë monedha digjitale Bitcoin.
Kuletat e Bitcoinit besohet se kanë arritur të marrin më shumë se 100,000 dollarë të monedhës digjitale, përpara se mesazhet mashtruese të hiqeshin nga Twitter.
Twitter tha se 130 llogari kanë qenë në shënjestër të sulmit, i cili ka ekspozuar informacione personale, përfshirë adresa të emailit dhe numra telefoni.
Edhe pse Twitter nuk e emëroi zyrtarin e prekur holandez, mediat lokale thanë se ka të ngjarë që ai është politikani i ekstremit të djathtë, Geert Wilders.
Komiteti i Tregtisë i Senatit të Shteteve të Bashkuara ka kërkuar nga Twitter që të dëshmojë për incidentin më 23 korrik.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.