Kryetari i Komunës së Prishtinës, Shpend Ahmeti, po e quan hajgare ndarjen e 2 milionë eurove nga Qeveria për 156 biznese nga Plani i Rimëkëmbjes Ekonomike.
Ahmeti ka shkruar në Facebook se ndarja e ndihmave financiare nuk është hajgare.
“Qeveria paska ndarë 2 milionë euro për 156 biznese nga Programi për Rimëkëmbje Ekonomike. E di që ndihmës nuk duhet me i thënë jo, dhe se çdo ndihmë dikënd e ndihmon por a nuk është pak hajgare kjo punë”, ka shkruar Ahmeti.
Ky është statusi i plotë i Ahmetit:
Qeveria paska ndarë 2 milionë euro për 156 biznese nga Programi për Rimëkëmbje Ekonomike.
E di që ndihmës nuk duhet me i thënë jo, dhe se çdo ndihmë dikënd e ndihmon por a nuk është pak hajgare kjo punë.
Pagat e Deputetëve janë më shumë se 2 milion euro.
Shpenzimet repeezentative janë më shumë se dy milion.
Shpenzimet gjyqësore janë më shumë se dy milion.
Më shumë se dy milion ju ka vjedh një njeri në thesar.
E di që nuk është përgjegjësia vetëm e qeverisë por aman gjene një gjuhë të përbashkët, qoftë edhe emëruesin më të vogël.
Vendosni edhe me shku në zgjedhje vec me kushtin që votoni diçka në ditët e fundit.
