Biznesmeni i njohur nga Dragashi, Burim Piraj, është shprehur i revoltuar për ndalje të energjisë elektrike në vendlindjen e tij.

Ai ka thënë se sot që nga ora 08:00 e mëngjesit janë pa rrymë dhe me gjasë do mbesin sonte krejt pa të.

Piraj thotë se nga koha e privatizimit të distribucionit të energjisë në vend e asnjëherë nuk kanë ofruar 24/7 energji, dhe askush nuk jep përgjegjësi, shkruan Reporteri.net.

Postimi i tij:

Në bazë të gjitha gjasave sonte vazhdojmë pa energji elektrike që nga 8 e diçka e mëngjesit!

Ne pësojmë humbje e KEDS-it nuk i futet asnjë therrë në gidht sepse askush nuk e ka marrë në përgjegjësi me kërcënimin e anulimit të licencës asnjëherë!

Kanë krijuar fitime me qindra miliona nga koha e privatizimit të distribucionit të energjisë në vend e asnjëherë nuk kanë ofruar 24/7 energji, bile para privatizimit ka qenë më mirë i vetmi ndryshim se profitin po e mbledh KEDS e përpara shkonin në buxhetin e vendit.