Manchester City është shpallur kampion i Premierligës për sezonin 2018/19.
Ky është triumfi i dytë radhazi për skuadrën e Guardiolës dhe i gjashti në histori të klubit.
Në garën për titull, City e mposhti Liverpoolin me vetëm një pikë diferencë, duke i lënë “Reds” pa titull që nga viti 1990.
Në ndeshjen e fundit, Manchester City mposhti Brightonin me rezultat 1-4.
Vendasit kaluan të parët në epërsi me golin e Murray në minutën e 27-të të ndeshjes.
City përmbysi rezultatin duke realizuar tre gola. Aguero (28′), Laporte (38′), Mahrez (63′) dhe Gundogan (72′) ishin realizatorët e këtij triumfi.
Në ndeshjen tjetër Liverpooli mbetet pa titull edhe pas 29 vitesh.
Reds fituan kundër Wolves me rezultat 2-0 por nuk ishte e mjaftueshme për ta rrëmbyer vendin e parë.
Golat për Liverpoolin i shënoi Sadi Mane në minutën e 17-të dhe në minutën e 82-të.
Edhe pse nuk triumfuan, ky ishte sezoni më i mirë i Liverpoolit në histori duke arritur të grumbullojnë 97 pikë.
