Tuna bëri fansat kureshtar se kujt po ia dedikon postimin e fundit.
Altuna Sejdiu-Tuna dhe Patris Berisha ka pak kohë që u bënë prindër për herë të dytë.
Tuna kishte arritur që për nëntë muaj ta mbante të fshehtë shtatzëninë, derisa kur e solli në jetë Zenin e vogël.
Muajt e fundit është përfolur shumë raporti i saj me Patrisi, ku thuhet se dyshja kanë një krizë në lidhje.
Së fundi, Tuna u hodhi ‘flakë’ këtyre zërave me anë të një postimi ‘thumbues’, i cili supozohet t’i drejtohet Patrisit.
“Nëse doni një përgjigje të vëretë nga një narcist, pyetini se çfarë i kanë bërë ish-at, pastaj dëgjoni me kujdes, ata po përshkruajnë në fakt veten e tyre”, shkruan ajo.
Ndryshe, këngëtarja ka kohë që nuk ka qenë aktive me këngë të reja, por është përqendruar më shumë në familje.