Thonjtë e zinj, flokët e gjatë, tatuazhet, akuzat për drogë, por me sa duket të pabazuara – e identifikuan Damiano Davidin, këngëtarin e grupit italian që fitoi Eurovisionin.

Rokeri pushtoi mediat ndërkombëtare ndërsa u aludua se ishte edhe përdorues i drogës, pasi në një video, e cila u bë virale thuhej se ai kishte thithur kokainë në tavolinën ku ishin akomoduar në skenën e festivalit.

Mirëpo, përgjigja ishte e menjëhershme nga 22-vjeçari, i cili tha se ishte i gatshëm t’i ushtrohej testit të drogës. Pasi kreu testin, ai doli i pastër dhe të gjitha akuzat u hodhën poshtë.

#Damiano didn’t do drugs.
France just can’t lose in silence, they should be ZITTI E BUONI and get a bidet the smell of the shit they say is awful. #FranceVoilàfancul #Eurovision #maneskin pic.twitter.com/P8mMFrFBi5

— ????????? ?? (@ibGDrgnKING) May 23, 2021

Fotografitë që qarkullojnë në internet tregojnë se Damiano ishte një djalë i bukur dhe serioz me flokë të shkurtër. Mediat e huaja shkruajnë se në shkollë, ka qenë një djalë i matur dhe serioz.

Muzikanti bëri debutimin e tij televiziv kur ishte vetëm 18 vjeçar me grupin e tij në ‘X Factor’, që bëri shumë përshtypje te publiku dhe arriti të merrte vendin e dytë – transmeton Top Channel.

Damiano ka lindur në 8 janar 1999 në Romë, ditë në të cilën ka lindur edhe David Bowie dhe Elvis Presley. Ai ka pikë të dobët nënën dhe vëllanë e tij.

Ndërsa për babanë nuk dihet asgjë, pasi ka vendosur që ta mbajë jetën e tij personale larg vëmendjes së mediave.