Pak kohë më parë në programin “Dua të të bëj të lumtur” u trajtua historia e Glorias, e cila prej shumë vitesh lufton me sëmundjen e saj.
Gloria kishte vuajtur që prej vegjëlisë prej një sëmundjeje të rëndë, një tumori në kokë. Si pasojë e kimioterapisë intensive, Glorias i kanë rënë flokët dhe për shkak të pamundësisë për t’i blerë një parkure, nëna e saj po zgjat flokët që të mund t’i mundësojë vajzës një paruke të re.
Gjithashtu tumori në kokë ia ka vështirësuar shumë mundësinë për të ecur normalisht dhe prandaj Gloria e ka të domosdoshme që ta shoqërojë gjithmonë dikush.
Këngëtari i preferuar i Glorias është Butrint Imeri dhe ky i fundit pasi e surprizoi në studio e ftoi publikisht në koncertin e tij të parë që do të zhvillohet pas përfundimit të pandemisë.
