‘La Casa de Papel’ është një nga serialet më të pëlqyer për publikun. Netflix i ka konfirmuar datat e publikimit të episodeve të sezonit të pestë të serialit të shumëpopullarizuar, “La Casa de Papel”.

Traileri i sezonit të pestë vëllimit 1, pritet të publikohet të hënën e 2 gushtit, shkruan Reporteri.net.

Një nga aktoret kryesore të serialit, Lisboa, ka publikuar videon e reagimit të saj pasi ka parë videon e trailerit.

Ajo shprehet se ka mbetur pa fjalë pasi e shikoi trailerin.

Lisboa thotë se shpreson se do t’iu pëlqejë edhe fansave të serialit.

Sipas njoftimit të bërë në Instagram nga seriali sezoni i pestë është i ndarë në dy pjesë që pritet të publikohen në shtator.

Vëllimi i parë është konfirmuar të publikohet në datën 3 shtator vetëm në Netflix, ndërsa i dyti në datat 2-3 dhjetor.