Nënkryetarja e PDK-së, Vlora Citaku, ka treguar se ka qenë miss në kohën sa ishte nxënëse në shkollë fillore.

Ajo në emisionin Natë Vere në T7 e ka pranuar se është zgjedhur miss.

“Po kam qenë. Si e keni zbuluar”, tha ajo e habitur teksa edhe qeshte.

Ajo ka shtuar se për të qenë miss duhet disa kritere.

“Nuk është vetëm bukuria. Është edhe mençuria dhe disa detaje tjera”, thotë ajo.

Citaku po ashtu ka thënë se është e tronditur me rastin e vrasjes së 18 vjecares në Ferizaj dhe ka kërkuar që gruaja të jetë e mbrojtur nga institucionet në Kosovë.