Ministri i Jashtëm rus, Sergei Lavrov, ka thënë se Serbia është partneri kryesor i Rusisë në Ballkanin Perëndimor, duke shtuar se Moska e vlerëson shumë partneritetin me Beogradin.

Ai, në një intervistë për Tanjug, ka theksuar se “qëndrimi i Rusisë për Kosovën është i njohur”.

Lavrov ka theksuar se Rusia e mbështet arritjen e një zgjidhjeje të qëndrueshme dhe reciprokisht të pranueshme ndërmjet Kosovës dhe Serbisë në bazë të Rezolutës 1244 të Këshillit të Sigurimit të OKB-së.