Ministria e Punëve të Jashtme dhe Diasporës ka marrë sot vendim për shkarkimin e 11 punonjësve të MPJ-së me arsyetimin e “anulimit të të vendimeve të jashtëligjshme të marra në të kaluarën”.

Në mesin e të shkarkuarve është edhe Shota Bukoshi, vajza e ish-kryeministrit të Kosovës në ekzil Bujar Bukoshi.

MPJD-ja shkarkon 11 zyrtarë të shërbimit të jashtëm

Lexo edhe:

Emilija Rexhepi: Duda Balje nuk është ministre

Deputetët e PDK’së hyjnë në sallë të parët

Peci: Kryeministri ka dhënë tri herë dorëheqje, tash radha e atyre që e refuzuan mandatin

Ajo kishte mbajtur pozitën e këshilltares së ambasadës së Kosovës në Berlin.

Shota Bukoshi është edhe drejtoreshë e filmit.

“Personat e liruar sot nga detyra janë punësuar pa iu nënshtruar procedurave të rregullta të pranimit në shërbimin e jashtëm, të përcaktuara me Ligjin për Shërbimin e Jashtëm të Republikës së Kosovës dhe as procedurave dhe rregullave të pranimit sipas Ligjit për Shërbimin Civil të Republikës së Kosovës, i zbatueshëm në kohën kur këta persona janë emëruar në shërbimin e jashtëm. Ata kanë hyrë dhe janë konsideruar anëtarë të shërbimit të jashtëm përmes vendimeve arbitrare”, ka njoftuar MPJD-ja.