Policia e Kosovës ka njoftuar se është arrestuar edhe personi i pestë i dyshuar për dhunimin e 11-vjeçares në Prishtinë, shkruan Gazeta Online Reporteri.net.

Sipas njoftimit, veprimet e mëtejme lidhur me të dyshuarin do të ndërmerren në bashkëpunim dhe koordinim me organet e drejtësisë.

“Si rezultat i punës, angazhimeve dhe hetimeve intensive nga Policia e Kosovës, tani edhe personi i pestë i dyshuar i cili ka qenë në kërkim policorë është duke intervistuar nga hetimet rajonale të DRP Prishtinë. Të gjitha veprimet e mëtejme policore lidhur me të dyshuarin i cili dyshohet se është i përfshirë në rastin ‘dhunim’ të ndodhur në Prishtinë, do të ndërmerren në bashkëpunim dhe koordinim me organet e drejtësisë”, thuhet në njoftim.

Rasti i dhunimit të 11-vjeçares ka ndodhur më 27 gusht, ku fëmija dyshohet se u dhunua nga pesë të dyshuarit në Prishtinë për disa orë.

Nga Prokuroria Themelore në Prishtinë gjatë ditës kanë konfirmuar për Gazetën Online Reporteri.net se mbi të dyshuarin e moshës madhore për dhunimin e 11 vjeçares, 27 vjeçarin E.R rëndojnë veprat penale: “Vjedhje e rëndë” “Vjedhja e Pyllit” dhe “Dhuna në Familje”.

Për këto raste ndaj tij janë ngritur edhe aktakuza. /Reporteri.net

Këto janë veprat e tjera penale me të cilat ngarkohet i dyshuari për dhunimin e 11 vjeçares në Prishtinë