Anulimin e mbajtjes së paradës së krenarisë evropiane “Europride 2022” në Beograd, e ka kundërshtuar edhe vetë Sekretari amerikan i Shtetit, Anthony Blinken, transmeton gazeta online “Reporteri.net”.

“Liria e grumbullimit dhe shprehjes paqësore janë përbërës thelbësor të një demokracie të shëndoshë. Ne nxisim Serbinë të rinojë zotimin e saj për ta mbajtur paradën Europride 2022”, shkroi Anthony Blinken në rrjetin e tij në Twitte.r

“Të drejtat e komunitetin LGBTQI+ janë të drejta njerëzore”, theksoi ai.

Freedoms of peaceful assembly and expression are essential components of a healthy democracy. We urge Serbia to renew its commitment to hosting #EuroPride2022. LGBTQI+ rights are human rights.

— Secretary Antony Blinken (@SecBlinken) August 30, 2022

Presidenti serb, Aleksandër Vuçiç, ndonëse u zotua për mbajtjen e kësaj parade, e anuloi atë me preteksin se Serbia gjendet para një situate të vështirë me Kosovës dhe se andaj duhet lënë anash çështjet tjera.

Një protestë e madhe u zhvillua në Beograd, me atmosferë urrejtje ndaj komunitetit në fjalë, ku mes tjerash kishte edhe pankarta e brohoritje në mbështetje të presidentit të federatës ruse, Vladimir Putin.

Madje, kryetari i Partisë Popullore Serbe, Vuk Jeremiç, pretendoi ditë më parë se Aleksandër Vuçiç ia njohu Kosovës letërnjoftimet në pikat kufitare vetëm e vetëm që ta kursejë veten sadopak nga kritikat në Bruksel për ndalimin e paradës së krenarisë.