Pas largimit të barrikadave në Rudare të Zveçanit, njëjtë është vepruar edhe në Lagjen e Boshnjakëve.
RTV Dukagjini raporton se tashmë është larguar edhe pengesa e fundit nga kjo barrikadë.
Barrikada e vendosur në Lagjen e Boshnjakëve, ishte barrikada e parë e vendosur në qytet.
Të enjten, pas 20 ditësh qëndrim, është larguar edhe kamioni i fundit që pengoi qarkullimin në Rudarë, transmeton Reporteri.net.
Po ashtu, sot është liruar për qarkullim edhe Merdarja, pika kufitare midis Kosovës dhe Serbisë, pas dy ditësh e mbyllur.
Kujtojmë se barrikadat janë ngritur në veri si reagim i komunitetit serb në Kosovë për arrestimin e ish-policit Dejan Pantiq, i akuzuar për sulm terrorist ndaj zyrave të KKZ’së në veri. Ky i fundit dje u lirua në arrest shtëpiak.
Për heqjen e barrikadave, të mërkurën mbrëma njoftoi vetë presidenti serb, Aleksandar Vuçiq, nga takimi që pati me pjesëtarë të komunitetit serb në Rashkë.
