Zhurma e madhe e ndezjes së motoçikletave ka shkaktuar panik tek qytetarët e shumtë që ishin në sheshin Times Square në New York, ku shumë vizitorë menduan se bëhej fjalë për të shtëna armësh dhe nga frika se mund ta pësojnë, filluan të vrapojnë në të gjitha anët.

Zhurmat janë dëgjuar në udhëkryqin e rrugës më të frekuentuar që lidh Avenunë e Tetë me rrugën West 42, thuhet në raportin e policisë së New Yorkut.

Në videon e publikuar më poshtë mund të shihet situata kaotike e krijuar, ku qytetarët e shumtë filluan të vrapojnë në të gjitha anët nga frika se mund ta pësojnë me jetë.

Madje një kalimtar rasti ka pësuar lëndime trupore, pasi është shtypur nga masa që menduan se bëhej fjalë për të shtëna armësh. Me të dëgjuar zhurmën e motoçikletave ata menjëherë filluan të bërtasin.

E për ta qetësuar situatën policia e New Yorkut ka njoftuar opinionin se bëhet fjalë për zhurmë të motoçikletave, që masës u është dukur si të shtëna armësh.

“Kemi pranuar telefonata të shumta. Ju lutem mos bëni panik. Time Square është shumë i sigurtë”, thuhej në një komunikatë të policisë.