Presidentja e vendit, Vjosa Osmani do ta përfaqësojë sot Kosovën në mbledhjen e Këshillit të Sigurimit të Kombeve të Bashkuara, shkruan Reporteri.net.
Përmes një postimi në platformën “X”, e para e vendit ka thënë se sot do të flas për zhvillimet e fundit në vendin tonë, si dhe agresionin serb të 24 shtatorit në fshatin Banjskë.
“Do të trajtoj zhvillimet e fundit në vendin tonë, pas aktit të agresionit të Serbisë dhe do të rikonfirmoj angazhimin tonë për paqen dhe stabilitetin”, ka deklaruar Osmani në “X”.
Today I will join the UNSC mtng on Kosovo, to speak on behalf of our Republic. ??
I’ll address the latest developments in our country, following Serbia's act of aggression & reconfirm our commitment to peace & stability.
Tune in at 9 PM (Kosovo time):https://t.co/0CxgZxIfcd pic.twitter.com/lFltNRXFDQ
— Vjosa Osmani (@VjosaOsmaniPRKS) October 23, 2023
Në njoftimin sotëm të Presidencës u tha se Osmani do të flasë edhe për përkushtimin e institucioneve të Republikës për paqe, siguri dhe stabilitet afatgjatë në rajon, si dhe për bashkëpunimin e ngushtë me aleatë e partnerë të Kosovës.
Tutje u tha se para takimit të Këshillit të Sigurimit, presidentja pritet të takohet e koordinohet me disa nga përfaqësuesit e shteteve aleate.
Takimi do të mbahet sonte në ora 21:00 me kohë të Kosovës, ndërkaq në orën 15:00 me kohë të New York-ut.
Para fillimit të kësaj seanca, shqiptaro-amerikanët protestojnë kundër terrorizmit të Serbisë.
“Komuniteti Shqiptaro-Amerikan do të protestojë para Selisë së OKB-së në Sheshin Dag Hammarskjöld në Nju Jork për t’i dënuar aktet e vazhdueshme të terrorizmit dhe luftënxitëse të Serbisë. Shqiptaro-Amerikanët i bëjnë thirrje Shteteve të Bashkuara të Amerikës dhe komunitetit ndërkombëtar që të përdorin të gjitha mjetet e nevojshme për ta detyruar Serbinë që t’i ndalojë dhe të përmbahet nga veprimet dhe politikat që janë duke e minuar stabilitetin e Kosovës dhe Ballkanit”, njofton komuniteti Shqiptaro-Amerikan, i përbërë nga më shumë se njëqind shoqatave të ndryshme të këtij komuniteti nga vende të ndryshme të SHBA-së./Reporteri.net/