Këngëtarja , Adelina Berisha, ka reaguar pas  raportimeve se është dënuar me 72 mjë euro nga ATK për shmangie të tatimeve.

Ajo ka konfirmuar se është gjobitur, por thotë se 72 mijë nuk është shuma reale që është detyruar të paguajë.

“Sqarim. Për të gjithë ju që jeni duke më pyetur nëse është e vërtetë që ATK më ka gjobitur me 72 mijë euro, po, ‘shteti ynë i dashur’ më ka gjobitur! Po reagoj sepse nuk është shuma reale që kam qenë e detyruar të paguaj; kam qenë e gjobitur dy herë vetëm për TVSH-në pa llogaritur asnjë shpenzim që kam bërë. Po reagoj sepse, sikur të kisha këtë detyrim, do të ishte në rregull, por nuk është e drejtë ajo që më është bërë”.

Ajo tutje ka përmendur kontributin e saj në emisione humanitare e koncerte të tilla,  për të cilat thotë se nuk janë vlerësuar asnjëherë me mbështetje shtetërore.