Dalin pamjet: Pretendohet se ushtari italian i kërkoi policit kosovar ta largojë veturën nga afërsia e Urës së Ibrit

Lajme / Veri

Dalin pamjet: Pretendohet se ushtari italian i kërkoi policit kosovar ta largojë veturën nga afërsia e Urës së Ibrit

Reporteri

04 Shtator 2024 | 13:25

Gjatë ditës së sotme në Urën mbi lumin Ibër janë parë sërish forca të shtuara të KFOR-it.

Në një video të publikuar nga “Indeksonline”, shihet se një veturë zyrtare e policisë së Kosovës, xhip, parkohet pranë urës.

Mediumi pretendon se pas disa bisedimeve nga zyrtarët policorë kosovarë dhe zyrtarë të KFOR-it Italian, të parët veturën e largojnë nga aty.

Lexo edhe:

Ambasadori britanik pas takimit të QUINT-it me Kurtin: Inkurajova formimin sa më parë të qeverisë së re

Ambasada e Italisë për takimin Kurti-QUINT: U theksua nevoja e formimit të një qeverie të re sa më shpejt

ZRrE i reagon Bajramit: S’qëndrojnë deklaratat se qeveria mund të shtyjë vendimin për shtrenjtimin e rrymës, është kompetencë ekskluzive e...

Sipas portalit, ushtari Italian i ka kërkuar policit ta largojë veturën zyrtare nga Ura e Ibrit.

Megjithatë, Policia e Kosovës ka mohuar zhvillimin.

Në një përgjigje për Klan Kosova, zëvendësdrejtori i policisë për rajonin e veriut, Veton Elshani, ka thënë se diçka e tillë nuk ka ndodhur.

”Nuk ka ndodhë diçka e tillë në veri, as me policinë e veriut”, është shprehur ai.

Vlen të theksohet se KFOR-i lidhur me praninë e shtuar të trupave të saj mbi urën e Ibrit kanë thënë se po kryejnë “operacione rutinore”.

Lajmi në Zhvillim

“Donin të bënin disa fotografi”, Policia mohon se KFOR-i u ka kërkuar që ta largojnë veturën zyrtare nga Ura e Ibrit

4 Shtator, 2024 - 14:36

Lidhur me raportimet se KFOR-i i ka kërkuar një zyrtari të Policisë së Kosovës ta largojë veturën nga Ura mbi lumin Ibër, zëvendësdrejtori i policisë për rajonin e veriut, Veton Elshani e ka mohuar një gjë të tillë.

Për Gazetën Online Reporteri.net, Elshani ka thënë se ushtari italian i ka kërkuar zyrtarit policor që të largohen pak vetëm sa të bënin disa fotografi

“Ushtari italian ka kërkuar që të largohen për pak, sa të bënte disa fotografi të karabinierëve gjatë operacionit që kishin në Urën e Ibrit. Ata i kanë thënë se s’ka problem, dhe e kan larguar fare”, tha Elshani për Reporteri.net.

E pikërisht për forcat e shtuara sërish të KFOR-it sot, në Urën mbi lumin Ibër, nga KFOR-i kanë thënë për Gazetën Online Reporteri.net se një gjë e tillë është pjesë e trajnimit.

KFOR thotë se asetet dhe personeli shtesë nga Njësia e Specializuar Shumëkombëshe e KFOR-it (MSU) janë duke u vendosur përkohësisht në urën kryesore mbi lumin Ibër, në Mitrovicë dhe kjo sipas KFOR-it është pjesë e trajnimit periodik që misioni paqeruajtës i kryen për të testuar procedurat e tij të vjetra dhe për të mbrojtur standardet më të larta operacionale.

“Asetet dhe personeli shtesë nga Njësia e Specializuar Shumëkombëshe e KFOR-it (NJMS) janë duke u vendosur përkohësisht në urën kryesore mbi lumin Ibër, në Mitrovicë. Kjo është pjesë e trajnimit periodik që KFOR-i kryen për të testuar procedurat e tij të vjetra dhe për të mbrojtur standardet më të larta operacionale. KFOR-i gjithashtu mban një prani fikse në urën kryesore mbi lumin Ibër, në Mitrovicë, dhe vazhdon të kryejë patrullime të rregullta në zonat përreth”, thuhet mes tjerash në përgjigjen e KFOR-it për Reporteri.net.

/Reporteri.net/