Edhe një teori konspirative: Stuhia e borës në Teksas ishte ‘fake’, u projektua nga Bill Gates

Një tjetër teori konspirative me protagonist ish-bashkëthemeluesin e Microsoft, Bill Gates është duke qarkulluar ditët e fundit në mediat sociale.


Këtë herë teoria e re e konspiracionit, e zhvilluar në Teksas, ka të bëjë me reshjet e borës që goditën zonën disa ditë më parë dhe i kushtoi jetën 70 njerëzve. Sipas “The Sun”, përdoruesit e TikTok ngarkuan një video në mediat sociale, ku e shoqëruan atë me hashtagun #govermentsnoë dhe pretenduan se bora ishte e rreme.

Në fakt, disa prej tyre mbanin topa dëbore në duar dhe përpiqeshin t’i digjnin në mënyrë që të provonin pretendimet e tyre. Kur flaka godet borë dhe bora nuk shkrihet, TikTokersat pretendojnë se kjo tregon se reshjet e borës janë të rreme dhe janë projektuar nga Bill Gates.

Një video që po qarkullon, shihet një grua e cila ndodhet sipër vaskës së saj në banjë dhe mban një top dëbore e një çakmak në dorë. Ajo thotë ekzaktësisht: “kjo shkon për qeverinë tonë dhe Bill Gates. Faleminderit Bill Gates që u përpoqët të na mashtroni duke thënë se kjo është bora e vërtetë. Do të shihni që nuk shkrihet dhe do të digjet.”

Në një video tjetër një vajzë mbledh dëborë nga toka dhe pasi e bën atë në formën e një topi e vendos atë mbi një qiri dhe vëren se ajo nuk shkrihet. Sipas saj, diçka tjetër fshihet pas borës që nuk shkrihet. Ai madje shkon një hap më tej duke pretenduar se nëse e vendos atë në një furrë me mikrovalë atëherë ajo do të marrë flakë pasi një metal është përzier brenda.

Megjithëse komuniteti shkencor nuk ka dyshime në lidhje me stuhinë e dëborës, përdoruesit e TikTok vazhdojnë të përhapin lajme të rreme me teoritë e tyre. Ata pretendojnë se ish-bashkëthemeluesi i Microsoft Bill Gates, i cili ka studiuar ndryshimin e klimës për vite me radhë, ishte prapa asaj që ata e quajtën dëborë “të rreme”.