Megjithëse vendet ku gratë ndalohen të hyjnë  janë shumë të rralla, ato ende ekzistojnë. Këta janë kryesisht tempujt fetarë, por ka edhe taverna, klube dhe parqe  ku këmbët e një gruaje nuk mund të  shkelin, transmeton Reporteri.net.

Më poshtë ju sjellim disa prej tyre:    

Omine  

Reklamë

Ky vend u shpall trashëgimi kulturore në vitin 2004, pavarësisht faktit që femrave u ndalohet të shkojnë atje, sepse siç thuhet mund të “tundojnë” njerëzit që janë atje, por edhe për arsye të tjera fetare. Omine është e vendosur në Japoni dhe në malet e saj ndodhet një manastir nga shekulli i tetë.

Mali Atos, Greqi  

Reklamë

Atos, u shpall Trashëgimi Kulturore Botërore në vitin 1998 dhe madje edhe burrat duhet të marrin një leje të posaçme për ta vizituar atë. Grave u ndalohet të afrohen më pak se 500 metra. Që nga shekulli 11 grave u është ndaluar të futen në këtë manastir me qëllim të shmangies së kontaktit me murgjit që jetojnë atje. Mali Athos është një enklavë prej 20 manastirësh.

https://www.youtube.com/watch?v=5D8OxrSZZU8

Plazh Mlimadi  

Ky plazh ndodhet në Afrikën verilindore dhe i përket arkipelagut të ishullit të Komoros. Komuniteti fetar që jeton atje ka bërë presion mbi autoritetet për të ndaluar ardhjen e grave në këtë ishull.

Reklamë

Okinoshima  

Pasi që  konsiderohet një vend i shenjtë, ardhja e grave është e ndaluar në këtë ishull japonez. Ky vend është i banuar ekskluzivisht nga burrat dhe çdo vit në maj lëshohen 200 leje të posaçme për vizitorët meshkuj.

Tobogani ekstrem i ujit në Gjermani  

Reklamë

Ky është një rast ekstrem ku ndalimi nuk ka të bëjë fare me fenë. Parku i Galaxy Erding në Gjermani u ndaloi grave të vizitonin disa atraksione ujore, pasi disa gra pësuan plagë gjenitale pas rrëshqitjes në shpejtësi deri në 70 km / h, transmeton reporteri.net.

https://www.youtube.com/watch?v=fw__l0XFmHc

Tempulli Haji Ali Dargah 

Tempulli i Haji Ali Dargah ndodhet në ishullin Vorli në jug të Bombeit në Indi. Në këtë ishull gjendet varri i Pira Sufi Pira Aji Ali Bujhari, mauzoleumi i të cilit ndalon hyrjen e grave që nga viti 2011. Arsyeja është se gratë kanë menstruacione dhe sipas tyre  kjo i bën ato të “papastërta”. E njëjta gjë ndodh në shumë tempuj hindu.

Reklamë

Kafenion  

Ekzistojnë disa taverna tradicionale greke, të njohura si kafenion, që nuk lejojnë hyrjen e grave. Këto janë vende ku meshkujt mund të takohen, të luajnë letra, të flasin, të pinë duhan dhe të argëtohen.

Klubi i zotërinjve të bardhë

Këto klube, ekskluzivisht për të pasurit, u bënë të njohura në shekullin e 19-të, kur gratë u ndaluan të hyjnë. Ka ende disa në Britani të Madhe. Më i rëndësishmi nga ta është Klubi i Zotërinjëve të Bardhë, vendi ku Princi Çarls festoi ditën e tij të fundit të beqarisë. /Reporteri.net