Ish-boksieri i njohur, Luan Krasniqi, përmes një postimi në Facebook është përfshirë në zgjedhjet e 14 shkurtit.
Ai ju ka bërë thirrje qytetarëve të votojnë të ardhmen e jo të tashmen, duke bërë thirrje hapur që të votohet Lëvizja Vetëvendosje.
Krasniqi shkruan se tentimi i 51 ditësh i VV-së për rikthimin e shtetit u ndalë, atëherë kur kërkoi nga ministritë dorëzimin në prokurori të dëshmive për rastet korruptive.
Postimi i tij:
Ndodhemi pakë ditë para zgjedhjeve në Kosovë. Deri më tash, pothuaj të gjitha partitë qeverisën me shtetin. Më së shkurti Lëvizja Vetëvendosje.
Tentimi i saj 51 ditësh për rikthimin e shtetit u ndalë, atëherë kur kërkoi nga ministritë dorëzimin në prokurori të dëshmive për rastet korruptive.
Prandaj, zgjedhjet janë më shumë se një votim. Votuesit duhet të zgjedhin të ardhmen e jo të votojnë të tashmen. Mbi të gjitha, ndryshimin!
Vota e 14 shkurtit është votë mbijetuse per shtetin e Kosovës.
