Del në treg modeli i ri i syzeve të diellit, mbulojnë tërë fytyrën

Marka japoneze ZGHYBD ka lëshuar një model syzesh dielli të pazakontë, nëse mund të quhen kështu, të cilat mbrojnë jo vetëm sytë tuaj nga rrezatimi ultraviolet i dëmshëm, por edhe hundën, gojën dhe pjesët e tjera të fytyrës.

Këto syze dielli, ose ndoshta më mirë të themi një maskë dielli, janë prej polikarbonati, janë shumë të qëndrueshme dhe nuk e humbasin formën e tyre pas shumë përdorimit.

Ato janë gjithashtu rezistente ndaj erës. Ky model i pazakontë japonez vendoset në fytyrë në të njëjtën mënyrë si syzet e diellit të zakonshëm, kjo është arsyeja pse ato nuk janë më pak të rehatshme për t’u mbajtur.