Kryetari i Prishtinës, Përparim Rama ka reaguar në rrjete sociale pas përfundimit të festivalit “Sunny Hill” , duke lavdëruar rininë e Kosovës e institucionet e sigurisë për mbarëvajtjen e festivalit.

“Për katër netë Prishtina jonë ishte ndryshe. Emocion e kënaqësi me artistë të nivelit botëror. Rinia jonë më impresionoi edhe njëherë, me kulturën e pjekurinë e treguar. Dhjetëra mijëra pjesëmarrës e asnjë incident i vetëm. Një rini e shoqëri shembull për gjithë botën”, shkroi ai mes tjerash.

Për organizimin e jashtëzakonshëm ai ka falënderuar menaxhmentin e Sunny Hill Festival dhe Dua Lipën për praninë dhe përkrahjen.