Arkeologët në qytetin e Durrësit kanë zbuluar pishinën e brendshme romake 1 mijë e 600 vjet të vjetër. Kjo është e para e zbuluar e këtij lloji, përcjell gazeta online Reporteri.net.

Romakët pushtuan qytetin rreth vitit 230 para Krishtit.

Arkeologët e qytetit të Durrësit janë mësuar me mbetjet romake, por zbulimi i fundit i ka habitur.

Para se të niste ndërtimi i një shkolle, arkeologët po gërmonin kur zbuluan lagjen e lashtë aristokrate.

Arkeologët kanë gërmuar zonën prej 1 mijë e 200 metrave katrorë dhe kanë zbuluar panoramën e veçantë të urbanizimit të lagjes që besohet se ishte pjesë e qytetit.

Në mesin e mbetjeve të villës romake janë edhe gjurmët e pishinës së brendshme që ishte fort mirë e dekoruar me mozaik.

Arkeologët vlerësojnë se mbetjet romake datojnë mes viteve 1 dhe 400 pas Krishtit.