Stacioni policor në Ferizaj nga Drejtoria Rajonale e Policisë në Ferizaj ka pranuar një informacion, se me datën 09.01.2022 në fshatin Dremjak të Ferizajt, në një aheng familjar ka pas të shtëna me armë të zjarrit.
Në lidhje me këtë policia në bazë të autorizimeve dhe në konsultim me Prokurorin e Prokurorisë Themelore në Ferizaj, ka nisur hetimet në identifikimin e personave të dyshuar dhe vendit ku ka ndodhur ngjarja.
Pas një pune intensive, hetuesit policor kanë arritur që të identifikojnë personat e dyshuar dhe sot i kanë shoqëruar tre persona në stacionin policor të Ferizajt dhe pas intervistimt, ata kanë pranuar se kishin shtënë me armë gjatë një ahengu familjar.
“Tek i dyshuari i parë me inicialet J.B (M/K) 66 vjeçar është gjetur dhe konfiskuar një armë zjarri ( pistoletë ) me 9 fishek. Tek personi tjetër dëshmitarë, me inicialet R.J ( M/K) i moshës 68 vjeçar, janë gjetur dhe konfiskuar një armë zjarri dhe një armë me gaz me 20 fishekë, që të dy nga Ferizaj, ndërsa tek i dyshuari tjetër me inicialet G.Z (M/K) i moshës 68 vjeçar nga komuna e Lipjanit është gjetur dhe konfiskuar një pushkë gjuetie”, thuhet në njoftimin e policisë.
Policia, pasi i ka intervistuar të dyshuarit dhe dëshmitarin e këtij rasti, me vendim të Prokurorit të Prokurorisë Themelore në Ferizaj, të njëjtit janë liruar për procedura të mëtejme hetimore.