Ministria e Infrastrukturës vazhdon të mbështet komunat në realizim të projekteve infrastrukturore.

Një ndihmë të tillë e ka marrë edhe komuna e Kaçanikut të cilës i janë ndarë 705 mijë euro për asfaltim të disa rrugëve.

Kjo është bërë e ditur pas nënshkrimit të një marrëveshje të martën ndërmjet kryetarit të kësaj komune, Besim Ilazi dhe ministrit të Infrastrukturës Pal Lekaj.

“Të mirat për qytetarët tanë janë pjesë e punës dhe angazhimeve tona të përditshme. Edhe pesë projekte të reja kapitale do të realizohen në Komunën e Kaçanikut falë përkrahjes së Ministrisë së Infrastrukturës e cila ndau 705.000 euro për realizimin e pesë projekteve në Kaçanik. Asfaltimi i rrugës Çamëria- Bajnicë- Rakaj, asfaltimi i rrugës Triumf Riza- Stagovë, zgjerimi i rrugës Avdurrahim Shehu, asfaltimi i rrugës lokale Kaçanik, si dhe projekti ndërtimi i rrugës Idriz Seferi”, ka thënë Ilazi, trasnmeton Reporteri.net.

Kujtojmë se ministri Lekaj të hënën nënshkroi marrëveshje bashkëpunimi me komunën e Skenderajt të cilën e mbështeti me saktësisht 1 milion e 560 mijë euro. /Reporteri.net/