×
  • Lajme
  • Lajme

    Acar dhe ditë të akullta nga fundjava në Kosovë

    Reporteri
    21 Janar 2022 | 17:27

    Prishtina Weather njofton se ditët e ftohta janë rikthyer sërish. Në këtë vikend, do të nisin ditët e acarta dhe të akullta, me vranësira e kthjellime. Të shtunën priten edhe reshje të dobëta bore, shkruan Reporteri.net.

    21.01.2022 – Pas reshjeve të borës gjatë ditës së sotme, nga fundjava acari polar vërshon mbi rajonin tonë, ku sjell ulje të ndjeshme të temperaturave, ditën e shtunë edhe priten reshje të dobëta bore kryesisht orëve të mbrëmjes, ndërsa ditën e diel do të ketë edhe më shumë kthjellime.

    Acari vazhdon edhe në fillim të javës së ardhshme, me vranësira e kthjellime, dhe rënie të ndjeshme të temperaturës.  Nuk përjashtohen mundësi edhe për rrebeshe të dobëta bore, ditën e hënë dhe mërkurë.

    Qarkullimi i mirë ajror gjatë ditës edhe mund të ndihmojë në shpërndarjen e ndotësve ajror, ku indeksi edhe kalon në vlera të pranueshme, por me zgjatjen e periudhave të qetësisë orëve të mbrëmjes, vlerat e ndotjes kalojnë edhe në të dobëta e shumë të dobëta.

    22.01 – Shumë ftohtë.  Paradite kthjellime.  Ditën me vranësira, e priten edhe reshje bore, që vazhdojnë edhe orëve të mbrëmjes.

    23.01 – Kryesisht me kthjellime e shumë ftohtë.  Në mbrëmje mundësi për reshje të dobëta bore, përreth viseve malore.

    24.01 – Shumë ftohtë, me vranësira e intervale me diell.  Mundësi për reshje të dobëta bore herët në mëngjes.

    25.01 – Mbetet mot shumë i ftohtë, por kryesisht me kthjellime.  Pasdite dhe në mbrëmje vranësirat shtohen.

    26.01 – Kryesisht me vranësira dhe ftohtë.  Vende-vende me mundësi edhe për reshje të dobëta bore.

    Temperaturat zbresin ndjeshëm nën vlera mesatare, minimalet zbresin edhe deri në -10C e -13, e maksimalet në -2 e 0C, e ditën e hënë edhe në -5C.

    Era frynë kryesisht nga krahu verior mesatare 6-12m/s, e ditën e martë më e lehtë.

    Shtypja atmosferike me tendencë të rritje lartë mbi vlera normale.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!