Ka ndodhur një aksident trafiku mëngjesin e sotëm në rrugën Prishtinë-Podujevë.
Tre persona kanë kërkuar ndihmë mjekësore, nga lëndimet e mara në fshatin Vranidoll.
Zëdhënësja e Policisë për rajonin e Prishtinës, Flora Ahmeti, tha se në aksident janë përfshirë tri automjete.
“Rreth orës 10:30, në rrugën Prishtinë-Podujevë, përkatësisht në fshatin Vranidoll, ka ndodhur një aksident i komunikacionit rrugor në mes të tri automjeteve në lëvizje. Si pasojë e aksidentit ndihmë mjekësore kanë kërkuar tre persona”, tha Ahmeti për Reporteri.net.
Në vendin e ngjarjes ka dalë njësiti policor i trafikut, i cili po heton shkaktarët e aksidentit.