Prokuroria Speciale i ka ngritur aktakuzë të pandehurit N.L., i cili akuzohet se ka marrë pjesë aktive në luftërat e Sirisë, derisa më 28 prill të 2013, ishte kthyer në Kosovë.
Sipas njoftimit të Prokurorisë, i pandehuri me bashkëshorten F.L., dy vajzat dhe nusen e djalin E.K., kishin shkuar në qytetin Gazientep të Turqisë, ku janë pritur nga pjesëtarët e ISIS-it, derisa kanë kaluar përmes rrugëve ilegale në drejtim të Sirisë.
Ai akuzohet për pjesëmarrje në organizatën terroriste “Gjabat Al-Nusra” në Siri, i përgatitur për luftë dhe i pajisur me armë.
“Me këto veprime i pandehuri N.L., ka kryer veprën penale “Organizimi dhe pjesëmarrja në grup terrorist në vazhdim” nga neni 143 paragrafi 2 lidhur me nenin 81 të KPRK-së”, thuhet në njoftim.