Prokuroria Themelore në Prishtinë ka ngritur aktakuzë ndaj dy personave që dyshohet se kanë kanosur e ngacmuar dy gazetarë.

Në njoftimin e Prokurorisë thuhet se R.S. ka ngacmuar gazetarin SH.K., duke i kërkuar ta largojë nga mediumi një shkrim, derisa i pandehuri T.P., ka kryer veprën penale ‘kanosje’, pasi ka kërcënuar gazetarin G.G., përmes rrjetit social Facebook.

“Prokurori i shtetit, me aktvendim mbi ndalim kishte ndaluar në kohëzgjatje prej 48 orëve të pandehurit dhe ndaj të njëjtëve ka paraqitur kërkesë për caktimin e masës së paraburgimit në gjykatën kompetente, si dhe aktakuzat e ngritura i ka proceduar në gjykatë për trajtim të mëtejmë”, thuhet në njoftim.