Alban Hyseni i Lëvizjes Vetëvendosje ka dhënë dorëheqje nga posti i deputetit.

Kjo pasi të enjten në Kuvendin Komunal të Gjilanit do ta bëjë betimin për marrjen e postit të kryetarit të komunës.

Për dorëheqjen ai ka njoftuar në një postim në Facebook.

“Sot firmosa dokumentin e dorëheqjes nga pozita e deputetit. Ju faleminderit të gjithë kolegëve pa dallime partiake, për bashkëpunimin gjatë kësaj periudhe. Tani na presin detyra të reja dhe hapjen e një kapitulli të ri për Komunën e Gjilanit”, ka shkruar Hyseni në Facebook.

Alban Hyseni i VV-së ka fituar në balotazh ndaj Lutfi Hazirit të LDK-së, për të qeverisur me Gjilanin.

Të enjten ai pritet që ta marrë zyrtarisht detyrën.