Andrey Nikolaevich Antonov, zyrtari rus i UNMIK-ut që u shpall non-grata nga Kosova

Ministrja e Punëve të Jashtme dhe Diasporës, Donika Gërvalla ka bërë të ditur se me kërkesë të kryeministrit të Republikës së Kosovës, Albin Kurti, ka nxjerrë vendimin për shpalljen persona non grata të një zyrtari rus të UNMIK-ut në Kosovë.

Telegrafi raporton se ky zyrtar është Andrey Nikolaevich Antonov.

Gërvalla tha se për shkak të veprimtarisë, ky zyrtar e ka cenuar sigurinë kombëtare të Kosovës.“Me kërkesë të Kryeministrit të Republikës së Kosovës, z. Albin Kurti, sot kam nxjerrë vendimin për shpalljen persona non grata të një zyrtari rus të UNMIK-ut në Kosovë për shkak të veprimtarisë së tij të dëmshme, e cila ka cenuar sigurinë kombëtare të Republikës së Kosovës. Njëkohësisht kam njoftuar institucionet ligjzbatuese dhe autoritetet përkatëse për zbatimin e këtij vendimi”, thuhet në postimin e Gërvallës.

Kosova shpall person non grata një zyrtar rus të UNMIK-ut

Rreth dy muaj më parë, presidentja e vendit, Vjosa Osmani ka bërë të ditur se janë shpallur non grata dy zyrtarë rusë.

Osmani në një postim në Facebook bën të ditur se kërkuar nga zëvendëskryeministrja, njëherësh ministre e Punëve të Jashtme dhe e Diasporës, Donika Gërvalla-Schëarz, t‘i shpallë persona non grata dy zyrtarë të Zyrës Ndërlidhëse të Federatës Ruse në Kosovë.