Deputeti i LDK-së, Arben Gashi dhe ai i AAK-së, Bekë Berisha votuan “për” Dimal Bashën i propzuar nga VV-ja për postin e Kryetarit të Kuvendit, shkruan Reporteri.net.

Dimal Basha ishte i propozuari i tretë për sot nga VV-ja për Kryeparlamentar.

Gashi i LDK-së tha se Basha ia kishte kërkuar muaj më parë, dhe ai vetë ia kishte premtuar se do ta votonte.

“Ma ka kërku votën dhe i kam premtuar që e votoj, para disa muajve, por sot nuk e prita që del, por i kam thënë që kurdo që të çesin tëvotojë. Është djalë simpatik, nuk është shumë polarizues, i ka do deklarata të forta përtej të arsyeshmes por në përgjithësi nuk e ka një të kaluar e cila e pengon,” tha Gashi i LDK-së.

Ndërsa deputeti i AAK-së, Bekë Berisha tha se Basha s’ka asnjë detyrë qeveritare, ndaj edhe e votoi sot.

“S’ka pas asnjë detyrë qeveritare. Smund të flas për tjerët veç për veten”, tha Berisha i AAK-së.

Për Bashën votuan 57 deputetë, kundër kishte 25 vota, ndërsa abstenuan 24 deputetë.

/Reporteri.net/